وزیراعظم پاکستان کے مشیر برائے سیاسی امور رانا ثنااللہ نے حالیہ بھارتی جارحیت کے باعث شہید ہونے والے شہری موذن امام مسجد بلال محمد یعقوب شہید کے گھر جاکر فاتحہ خوانی کی اور زخمی ہونے والی دختر سفیر اعوان کی عیادت بھی کی،
رانا ثنااللہ نے بھارتی جارحیت کے باعث موذن امام مسجد بلال محمد یعقوب شہید کے ورثاء کی تالیف قلب کے لیے وزیر اعظم پاکستان کی جانب سے ایک کروڑ روپے امداد کا چیک جبکہ مقامی شہری سفیر اعوان کی زخمی بیٹی کے لیے دس لاکھ کا چیک ورثا کے حوالے کیا. علاوہ ازیں زخمی بچی کے لیے سکالر شپ کا اعلان بھی کیا گیا، قبل ازیں رانا ثنااللہ کا مظفر آباد پہنچنے پر شاندار استقبال کیا گیا، اس موقع پر صدر مسلم لیگ (ن) آزادکشمیر شاہ غلام قادر، چیف سیکرٹری آزاد کشمیر خوشحال خان، انسپکٹر جنرل پولیس آزادکشمیر رانا عبدالجبار، مقامی بریگیڈ کمانڈر،سابق وزراء حکومت بیرسٹر افتخار گیلانی سمیت سیاسی و سماجی شخصیات کی بڑی موجود تھی،اس موقع پر میڈیا سے گفتگو کرتے ہوئے رانا ثنااللہ نے کہا کہ اگر بھارت نے دوبارہ کوئی بھی حرکت کرنے کی کوشش کی تو پہلے سے زیادہ منہ توڑ جواب ملے گا، بھارت کی کوئی دھمکی یہاں شہریوں کے حوصلے کو پست نہیں کر سکتی،پوری قوم کی ہمدردیاں شہداء کے ورثا، زخمیوں اور ان کے اہلخانہ کے ساتھ ہیں
