2 سے 3 روز کے دوران شدید گرمی پڑے گی

محکمہ موسمیات کے مطابق ملک میں شدید گرمی کی لہر برقرار ہے، ملک کے بیشتر علاقے 2 سے 3 روز کے دوران شدید گرمی کی لہر کے زیراثر رہیں گے۔رپورٹ کے مطابق وسطی، بالائی پنجاب، اسلام آباد میں دن کا درجہ حرارت معمول سے 5 سے 7ڈگری زیادہ رہے گا، خیبرپختونخوا، کشمیر، گلگت بلتستان میں بھی دن کا درجہ حرارت معمول سے 5سے 7 ڈگری زیادہ رہے گا۔محکمہ موسمیات کے مطابق سندھ، جنوبی پنجاب اور بلوچستان میں دن کا درجہ حرارت معمول سے 4سے 6ڈگری زیادہ رہنے کا امکان ہے۔اسلام آباد اور گرد و نواح میں آج (بروز اتوار) دن کے اوقات میں موسم شدید گرم اور خشک رہنے کا امکان ہے جبکہ شام یا رات کو مطلع جزوی ابر آلود رہنے، تیز ہوائوں، گرج چمک کے ساتھ چند مقامات پر بارش متوقع ہے۔محکمہ موسمیات کے مطابق گلگت بلتستان، بالائی خیبرپختونخوا میں بھی چند مقامات پر گرج چمک کے ساتھ بارش متوقع ہے، کشمیر اور ملحقہ پہاڑی علاقوں میں بھی چند مقامات پر تیز ہواں، گرج چمک کے ساتھ بارش کا امکان ہے۔
#/S