سعودی عرب امریکہ میں 600 ارب ڈالر کی سرمایہ کاری کرے گا

رپورٹ کے مطابق امریکہ اور سعودی عرب نے ریاض کی جانب سے لاک ہیڈ ایف-35 طیاروں کی ممکنہ خریداری پر تبادلہ خیال کیا تھا، کہا جاتا ہے کہ اس جنگی طیارے میں سعودی عرب طویل سے دلچسپی لے رہا ہے۔ تاہم یہ فوری طور پر واضح نہیں ہوسکا کہ آیا منگل کو اعلان کردہ معاہدے میں وہ طیارے شامل تھے یا نہیں۔امریکی صدر ڈونلڈ ٹرمپ، جن کے ساتھ ارب پتی ایلون مسک سمیت امریکی کاروباری رہنما بھی ہیں، آج ریاض سے قطر اور کل متحدہ عرب امارات جائیں گے۔

سعودی وزیر سرمایہ کاری خالد الفالح نے امریکہ-سعودی سرمایہ کاری فورم سے خطاب کرتے ہوئے کہا کہ اگرچہ توانائی ہمارے تعلقات کا ایک سنگ بنیاد ہے، لیکن سعودیہ میں سرمایہ کاری اور کاروباری مواقع میں کئی گنا اضافہ ہوا ہے۔دریں اثناءوائٹ ہاؤس کا کہنا ہے کہ دفاعی معاہدہ 6 سو ارب ڈالر کے سعودی سرمایہ کاری وعدے کا حصہ ہے۔دفاعی معاہدوں میں جی ای گیس ٹربائنز کی برآمدات، توانائی کے شعبے میں 14 ارب 20 کروڑ ڈالر کا معاہدہ اور 4 ارب 80 کروڑ ڈالر کے 737 بوئنگ طیاروں کا معاہدہ بھی شامل ہے۔قبل ازیں سعودی فضائی حدود میں داخل ہونے پر سعودی لڑاکا طیاروں نے ٹرمپ کے ائیرفورس ون کو حصار میں لے کر ائیرپورٹ تک پہنچایا۔ سعودی ولی عہد نے ٹرمپ کا پُرتپاک استقبال کیا اور دونوں رہنماؤں نے کچھ دیر تبادلہ خیال کیا۔

اردو نیوز کے مطابق سعودی ولی عہد نے یقین دلایا کہ ’سعودی عرب امریکہ کے ساتھ  600  ارب ڈالر کی شراکت داری کے مواقع پر کام کررہا ہے۔ امریکہ پبلک انویسٹمنٹ فنڈ کے لیے اہم منزل ہے جو فنڈ کی عالمی سرمایہ کاری کا تقریبا 40 فیصد ہے۔‘

’واشنگٹن کے ساتھ اشتراکِ عمل محض اقتصادی تعاون تک محدود نہیں بلکہ  یہ خطے اور دنیا  قیام امن کےلیے بھی ہے۔‘

شہزادہ محمد بن سلمان نے دوطرفہ تجارت کے حوالے سے واضح کیا کہ’ سعودی عرب اورامریکہ کے مابین 2013 سے 2024 تک ہونے والی تجارت 500 ارب ڈالر تک پہنچ چکی ہے۔‘

انہوں نے بتایا کہ’ گزشتہ برس سعودی عرب کی تیل ماسوائے برآمدات تقریبا 82 ارب تک پہنچ گئی۔‘