وزیراعظم آزاد کشمیر نے کنٹرول لائن سماہنی سیکٹر کا دورہ کیا

وزیراعظم آزادکشمیر چوہدری انوارالحق نے وزیرداخلہ کرنل ریٹائرڈ وقار احمد نور کے ہمراہ لائن آف کنٹرول سماہنی سیکٹر کا دورہ کیا، بھارتی فائرنگ سے زخمی افراد میں حکومت کی طرف سے امدادی چیک تقسیم کئے۔ اس موقع پر وزیراعظم نے تحصیل و ضلعی انتظامیہ سے اب تک امدادی سرگرمیوں کے حوالے سے بریفنگ لی.

وزیراعظم نے کہا کہ جن لوگوں کی املاک یا مال مویشی کا نقصان ہوا ہے ان کے ساتھ بھی حکومت بھرپور تعاون جاری رکھے گی. وزیراعظم انوار الحق نے مختلف مقامات کا دورہ کیا ، بھارتی فائرنگ اور شیلنگ سے متاثرہ علاقوں اور املاک کا جائزہ لیا ۔وزیراعظم نے نعرہ تکبیر ،اللہ اکبر ،پاکستان زندہ باد، افواج پاکستان زندہ باد کے نعرے لگائے. ڈپٹی کمشنر بھمبر چوہدری حق نواز نے وزیراعظم آزاد کشمیر چوہدری انوار الحق کو تحصیل سماہنی میں اب تک کی ریسکیو سرگرمیوں اور بحالی کے حوالے سے آگاہ کیا وادی سماہنی میں جانی و مالی نقصانات مال مویشی زراعت اور دیگر شعبہ جات کے متعلقہ خصوصی طور پر وزیراعظم آزاد کشمیر کو رپورٹس پیش کی گئیں ۔