بھارتی جارحیت میں شہیدحوالدار محمد نوید کی نماز جنازہ ادا

بھارتی جارحیت کا بہادری سے مقابلہ کرتے ہوئے شہید ہونے والے حوالدار محمد نوید کی نماز جنازہ لاہور میں ادا کی گئی۔وفاقی وزیرداخلہ محسن نقوی نے شہید حوالدار محمد نوید کی نماز جنازہ میں شرکت کی ۔وزیرداخلہ محسن نقوی نے حوالدار محمد نوید کو زبردست الفاظ میں خراج عقیدت پیش کیا ۔وفاقی وزیرداخلہ محسن نقوی نے شہید حوالدار محمد نوید کے درجات کی بلندی کے لئے فاتحہ خوانی کی۔پاک فوج کے چاق و چوبند دستے نے شہید حوالدار محمد نوید کے جسد خاکی کو سلامی دی۔وفاقی وزیرداخلہ محسن نقوی کا شہید حوالدار محمد نوید کے لواحقین سے دلی ہمدردی و تعزیت کا اظہارکیا ۔ وزیر داخلہ محسن نقوی نے کہا کہ شہید حوالدار محمد نوید نے بزدل دشمن کا بہادری سے مقابلہ کیا اور شہادت کا بلند رتبہ پایا۔ ہماری تمام تر ہمدردیاں شہید حوالدار محمد نوید کے اہل خانہ کے ساتھ ہیں۔شہید حوالدار محمد نوید کے اہل خانہ کے دکھ میں برابر کے شریک ہیں۔ بہادر سپوت کو قوم سلام پیش کرتی ہے۔شہید حوالدار محمد نوید کے عزیز و اقارب ، انسپکٹرجنرل پولیس پنجاب ڈاکٹر عثمان انور ، سول و عسکری حکام نماز جنازہ میں شریک ہوئے۔