پاکستان نے دوپہر تک اپنی فضائی حدود بند کر دی

آج صبح تین سے دوپہر بارہ بجے تک کوئی فضائی آپریشن نہیں ہو گا، اور فضائی حدود کو مکمل بند رخ جائے گا.امکان ہے کہ اس دوران بھارت کو جارحیت کا منہ توڑ جواب دینے کیلئے پیش رفت کی جائے گی.

وضع رہے کہ پاکستان ایئر فورس نے بھارت کی جانب سے تین ایئر بیسز کو نشانہ بنانے کی کوشش ناکام بنا دی ہے اور اس طرح دشمن کے ناپاک عزائم خاک میں ملا دیے گئے ہیں۔بھارت نے فضا سے زمین پر مار کرنے والے میزائلوں کے ذریعے جمعہ اور ہفتے کے درمیانی شب نور خان ایئر بیس چکلالہ،مرید ایئر بیس چکوال اور رفیقی ایئر بیس شورکوٹ کو نشانہ بنانے کی کوشش کی تا ہم پاک فضائیہ نے بھارتی میزائلوں کو فضا میں ہی تباہ کر دیا اس طرح ایئر فورس کے اثاثوں کو بچا لیا گیا۔

ڈی جی آئی ایس پی ار نے بھارتی جارحیت کی مذمت کرتے ہوئے کہا ہے کہ اب بھارت جواب کے لیے تیار رہے۔ان کا کہنا تھا کہ پاک فضائیہ کے تمام اثاثے محفوظ ہیں۔ڈی جی ائی ایس پی ار لیفٹیننٹ جنرل احمد شریف کے مطابق بھارت نے افغانستان میں بھی میزائل داغے ہیں اس طرح وہ پورے خطے کو جنگ میں دھکیلنا چاہتا ہے تاہم پاکستان کے مسلح افواج جا رحیت کا منہ توڑ جواب دینے کے لیے تیار ہیں۔

دریں اثنا پشاور ایئرپورٹ پر بھی بھارت کی جانب سے ڈرون حملے کی مبینہ اطلاع ملی ہے جبکہ کھاریاں کے حوالے سے بھی اس قسم کی غیر مصدقہ اطلاعات گردش کر رہی ہیں .