تین پاکستانی ایئر بیسز کو نشانہ بنانے کی بھارتی کوشش ناکام

ڈی جی آئی ایس پی ار نے بھارتی جارحیت کی مذمت کرتے ہوئے کہا ہے کہ اب بھارت جواب کے لیے تیار رہے۔ان کا کہنا تھا کہ پاک فضائیہ کے تمام اثاثے محفوظ ہیں۔ڈی جی ائی ایس پی ار لیفٹیننٹ جنرل احمد شریف کے مطابق بھارت نے افغانستان میں بھی میزائل داغے ہیں اس طرح وہ پورے خطے کو جنگ میں دھکیلنا چاہتا ہے تاہم پاکستان کے مسلح افواج جا رحیت کا منہ توڑ جواب دینے کے لیے تیار ہیں۔

واضح رہے کہ نصف شب کے بعد چکلالہ ایئر بیس پر دھماکوں کے نتیجے میں خوف و ہراس پھیل گیا اور سوشل میڈیا پر مختلف قسم کی خبریں گردش کرنے لگیں۔ابتدائی طور پر یہ سمجھا گیا تھا کہ یہ بھارت کی طرف سے بھیجا گیا ڈرون تباہ کرنے سے دھماکے سنائی دیے ہیں تا ہم بعد ازاں حکام کی جانب سے میزائل حملے کی تصدیق کی گئی۔