اسلام آباد پولیس کی موٹر سائیکل چور گروہوں کیخلاف کارروائی

گرفتار ملزمان کا تعلق مختلف شہروں سے ہے اور یہ افراد ایک منظم نیٹ ورک کے تحت مختلف علاقوں سے موٹر سائیکلیں چوری کر کے انہیں دوسرے صوبوں میں فروخت کرتے تھے۔ کارروائی خفیہ اطلاعات، سی سی ٹی وی فوٹیجز، اور جدید ٹریکنگ ٹیکنالوجی کی مدد سے عمل میں لائی گئی۔

تفصیلات کے مطابق سینئر سپر ٹینڈنٹ آف پولیس آپریشنز اسلام آباد محمد شعیب خان نے ریسکیو15فیلڈ آ فس میں پریس کانفرنس کا انعقاد کیا،اس مو قع پر کثیر تعداد میں میڈ یا نما ئند گا ن اوردیگر پولیس افسران بھی موجود تھے،ایس ایس پی آپریشنز نے کہا کہ اسلام آباد پولیس پولیس ٹیموں نے موثر کارروائیوں کے دوران 08بین الصوبائی مو ٹر سائیکل چور منظم گر وہو ں کے 27 ارکان کو گرفتار کرکے 85مو ٹر سائیکل برآمد کرلیے ،گر وہو ں کو سرپرائز ناکہ جات اور جدید ٹیکنالوجی کی مدد سے گرفتار کیا گیا،ملزمان سے تفتیش کے بعد دیگر صوبوں سے بھی روابط جاری ہیں،ایس ایس پی آپریشنز اسلام آباد نے مزید کہا کہ پہلے ہم نے ڈکیتی کی وارداتوں پر فوکس کیا اور انکے کیخلاف بڑے پیمانے پربلاتفریق کارروائیاں عمل میں لائیں،اسی کے ساتھ ساتھ 30 سے 35 افراد پر مشتمل سی آئی اے کا اینٹی بائیک لفٹنگ اور آپریشنز ڈویژن کے خصوصی سیل بنائے گئے ہیں،

بائک چوری ہونے کے بعد فی الفور ایف آئی آر کا اندراج مالک کے حق میں بہتر ہے، تھانو ں میں جتنی موٹرسائیکلیں کھڑی ہیں ان کا ریکارڈ مرتب کیا جا رہا ہے،ڈیٹا کو اینٹی بائیک لفٹنگ سیل کے ساتھ شئیرنگ کے بعد میچ کیا جا رہا ہے، اسی طرح راولپنڈی، اٹک، چکوال اور جہلم کا ڈیٹا بھی اس میں شامل کیا جائے گا، دیگر اضلاع کے ساتھ روزانہ کی بنیاد پر ڈیٹا شئیرنگ جاری ہے انہوں نے مزید کہا کہ گرفتار ملزمان کو ٹھوس شوائد کے ساتھ چالان کرکے قرار واقعی سزا دلوائی جائے گی،گرفتار ملزمان سے تفتیش جاری ہے اور مزید انکشافات کی توقع ہے۔اسلام آباد پولیس مو ٹر سائیکل چوری کے سدباب کے لئے ایکٹو ہے،اس موقع پر ایس ایس پی آپریشنز نے مو ٹر سائیکلو ں کی چابیاں ان کے اصل مالکان کے حوالے کیں، مو ٹرسائیکلو ں کے مالکان نے اسلام آباد پولیس کا تہہ دل سے شکریہ ادا کیا۔