ٹل سے 140 گاڑیوں پر مشتمل قافلہ پاراچنار پہنچ گیا

ٹریڈ یونین حاجی امداد حسین پارا چنار کے صدر حاجی امداد حسین کا کہنا ہے کہ ضروریہ اشیا میں آئل ٹینکرز کو روک دیا گیا ہے اور صرف ایک ٹینکر علاقہ علیزئی پہنچ گیا ہے ۔

انہوں نے کہا ہے کہ عوام کے مسائل حل ٹل مین شاہراہ کو عام آمد و رفت کھلا جائے ، پارا چنار ٹریڈ یونین نے صوبائی حکومت سے مطالبہ کیا ہے کہ اشیاء ضروریہ پر مشتمل گاڑیوں کے کے قافلے میں مزید اضافہ کیا جائے۔

ہنگو ضلعی انتظامیہ کے مطابق اپر کرم کے مختلف علاقوں میں تجارتی سامان پہنچانے کے لئے آج 140 چھوٹی بڑی گاڑیاں روانہ کی گئیں ۔

انتظامیہ کے مطابق وقفے وقفے سے چھوٹے قافلوں کی شکل میں تجارتی سامان روانہ کیا جاتا رہا۔

تجارتی سامان میں آٹا، گھی، چینی، سبزیاں اور پھل شامل ہیں ۔ قافلوں کی نقل وحمل کے دوران ٹل سے پارا چنار تک شاہراہ پر سیکورٹی کے سخت انتظامات کئے گئے ہیں۔