ریٹائرڈ ایس پی نتھیاگلی کے نوجوان کے قتل میں ملوث نکلا

ملزم عارف شاہ اور مقتول حمزہ

نتھیا گلی سے تعلق رکھنے والا حمزہ کئی روز سے لاپتا تھا اور اسلام آباد پولیس اس کی تلاش میں تھی۔اس حوالے سے تفتیش کے تمام جدید ذرائع استعمال کیے جا رہے تھے۔ذرائع کا کہنا ہے کہ عارف حسین شاہ نے اپنے بیٹے واصف شاہ اور بہنوئی کے ساتھ مل کر حمزہ کو مانسہرہ میں قتل کیا اور لاش وہیں دفنا دی جبکہ اس کےتینوں موبائل فون ایکٹو حالت میں اسلام آباد کی حدود میں پھینک دیے تاکہ اس کی مانسہرہ سے اسلام آباد واپسی کی تصدیق ہو جائے تاہم تفتیشی ٹیم نے قتل کے ملزمان کا سراغ لگا لیا اور اسلام آباد پولیس کا ایس پی ریٹائرڈ عارف حسین شاہ اور بیٹا اس کا بیٹا واصف شاہ حمزہ کے قتل میں ملوث نکلے۔

یہ امر قابل ذکر ہے کہ سید عارف حسین شاہ پر دوران پولیس سروس بھی اسلام آباد پولیس کی خاتون ملازمہ کے قتل کامقدمہ درج ہوا تھا۔

تفتیشی ذرائع کا دعویٰ ہے کہ عارف شاہ نے نتھیا گلی سے تعلق رکھنے والےسینٹ آف پاکستان کے ملازم 29 سالہ حمزہ کےتقریباً پچاسی لاکھ روپے ہڑپ کر رکھے تھے۔15 مارچ کو حمزہ اسی سلسلے میں عارف شاہ سے ملنے اس کے گھر مانسہرہ گیا جس کے بعد وہ اب تک لاپتہ تھا۔اس سے تین روز قبل دونوں کے درمیان لیں دین پر اسلم آباد میں جھگڑا بھی ہوا تھا جس پر عارف شاہ نے حمزہ کو رقم واپسی کا جھانسہ دے کر مانسہرہ میں اپنے گھر بلا لیا تھا.

عارف شاہ کے بہنوئی نے سارے راز اُگل دیے

اسلام آباد پولیس حمزہ کی تلاش میں تھی کہ گزشتہ رات مانسہرہ سے ڈاگ سرچنگ کے زریعے اس کی لاشکا سراغ مل گیا۔تفتیشی ذرائع کا کہنا ہے کہ ایس پی عارف حسین شاہ نے 15 مارچ کو سحری کے وقت حمزہ کو ساتھوں سمیت گولیاں مار کر قتل کیا اور مقتول کی لاش کو اپنے آبائی گھر کے پاس پہاڑوں میں دفنا دیا۔ذرائع کے مطابق قتل میں عارف شاہ کے علاوہ اس کا بیٹا واصف شاہ اور بہنوئی بھی ملوث ہے۔ دراصل عارف شاہ کی حراست کے دوران شواھد ملنے پر پولیس نے اس کے بہنوئی کو گرفتار کیا تو اس نے دوران تفتیش سارے راز اُگل دیے.

حمزہ کے اغوا کی رپورٹ اسلام اباد کے تھانہ آبپارہ میں درج کرائی گئی تھی۔

تفتیشی ذرائع کا کہنا ہے کہ عارف حسین شاہ نے مقتول کے تین موبائل فون آن رکھے اور موبائل فون اسلام آباد کے سیکٹر G-10 میں میٹرو سٹیشن کے پاس پھینک دئیے گئے تاکہ حمزہ کی اسلام آباد واپسی کا ثبوت بزریعہ موبائل فون لوکیشن مل جائے اور تفتیش کا کھرا مانسہرہ تک نہ پہنچے۔

ذرائع کا کہنا ہے کہ تھانہ آبپارہ پولیس نے ایس پی عارف حسین شاہ کو گرفتار کر کے ریمانڈ حاصل کر لیا مگر تفتیش مکمل ہونے تک خاموشی اختیار کیے رکھی۔

پولیس نے تفتیش کا سلسلہ دراز کرتے ہوئے عارف حسین شاہ کے بہنوئی کو مانسہرہ سے گرفتار کیا تو اس نے حمزہ کے قتل کا ہوشربا انکشاف کیا۔ذرائع کا کہنا ہے کہ اب اسلام آباد پولیس مقتول کے لواحقین کے ساتھ مانسہرہ میں موجود ہے۔ذرائع کا یہ بھی دعوی ہے کہ مانسہرہ کی مقامی پولیس اور مقامی افراد کے خوف سے اسلام آباد پولیس سے تعاون سے گریزاں ہے