آرمی چیف عاصم منیر سےامریکی کانگریس کے وفد کی ملاقات

آئی ایس پی آر کے مطابق پاکستان اور امریکا کے درمیان دیرپا شراکت داری پر زور دیا گیا۔

امریکی وفد نے دہشت گردی کے خلاف پاک فوج کے کردار کی تعریف کی، پاکستان کے علاقائی امن و استحکام میں کردار کو سراہا گیا۔

امریکی وفد نے پاکستان کی خودمختاری کے احترام کا اعادہ کیا، سیکیورٹی، تجارت، سرمایہ کاری اور معاشی ترقی پر تعاون بڑھانے پر اتفاق کیا گیا۔

آئی ٹی کے شعبے میں تربیتی تعاون سے متعلق مفاہمتی یادداشتوں پر دستخط کیے گئے۔ جنرل عاصم منیر نے وفد کو دورے پر شکریہ اور تعاون بڑھانے کی خواہش کا اظہار کیا۔