افغان سرحد سے در اندازی ناکام۔8 خوارج دہشت گرد ہلاک

تفصیلات کے مطابق صوبہ خیبر پختون خواہ کے ضلع شمالی وزیرستان میں پاک افغان سرحد سے خارجی دہشت گردوں کی جانب سے در اندازی کی کوشش کی گئی اور فائرنگ کے تبادلے میں آٹھ دہشت گرد مارے گئے جبکہ چار زخمی ہوئے۔
آئی ایس پی آر کے مطابق پانچ اور چھ اپریل کے درمیانی شب اندھیرے کا فائدہ اٹھاتے ہوئے خوارج کے ایک گروپ نے شمالی وزنستان کے ضلع حسن خیل کے علاقے میں سرحدی در اندازی کی کوشش کی جو ناکام بنا دی گئی۔

یہ امر قابل ذکر ہے کہ 22 اور 23 مارچ کے درمیانی شب بھی خارجی دہشت گردوں نے شمالی وزیرستان کے علاقے غلام خان کلے میں دراندازی کی کوشش کی تھی جس پر بروقت کاروائی کرتے ہوئے فورسز نے چھ دہشت گردوں کو ہلاک کر دیا تھا۔
دوسری طرف تازہ واقعہ کے حوالے سے آئی ایس پی آر کا کہنا ہے کہ پاکستان بار بار افغانستان کی عبوری حکومت کو موثر بارڈر مینجمنٹ کے لیے کہتا رہا ہے اور توقع ہے کہ افغان حکومت اپنی ذمہ داریاں پوری کرے گی۔
پاک فوج کے ترجمان نے اپنے بیان میں مطالبہ کیا ہے کہ افغانستان کی عبوری حکومت پاکستان میں دہشت گردی کے لیے اپنی سرزمین استعمال کرنے سے روکے۔
بیان کے مطابق سکیورٹی فورسز نے کسی ممکنہ دہشتگرد کی موجودگی کا امکان ختم کرنے کے لیے علاقے میں سینیٹائزیشن اپریشن بھی کیا۔بیان کے مطابق سیکیورٹی فورسز سرحدوں کو محفوظ بنانے اور دہشت گردی کی لعنت ختم کرنے کے لیے پرعزم ہیں۔
دوسری جانب صدر مملکت اصف علی زرداری اور وزیراعظم شہباز شریف نے پاک افغان سرحد پر دراندازی کی کوشش ناکام بنانے پر سیکیورٹی فورسز کو خراج تحسین پیش کیا ہے