حکومت نے بجلی قیمتوں میں بڑا ریلیف دے دیا

بجلی کی قیمتوں میں کمی کے حوالے سے تقریب سے خطاب کرتے ہوئے وزیراعظم کا کہنا تھا کہ اس وقت گھریلو صارفین کے لیے بجلی کی قیمت 45 روپے پانچ پیسے فی یونٹ ہے جس میں کمی آنے کے بعد 34 روپے 37 پیسے فی یونٹ قیمت ہو جائے گی۔
اس موقع پر وزیراعظم کا کہنا تھا کہ جو لوگ پاکستان کے دیوالیہ ہونے کی باتیں کر رہے تھے اور خوشی سے مرے جا رہے تھے کہ پاکستان دیوالیہ ہو کر رہے گا مگر ان کے خواب پورے نہ ہوئے۔ یہ وہی لوگ ہیں جنہوں نے آئی ایم ایف سے معاہدہ کیا اور اسے توڑا۔
وزیراعظم کا کہنا تھا کہ اللہ کے فضل اور قوم کی دعاؤں سے حکومتی کوششوں کے نتیجے میں مہنگائی سنگل ڈیجٹ میں آ چکی ہے جسے 38 فیصد سے کم کر کے ڈیڑھ فیصد پر لایا جا چکا ہے۔ان کا کہنا تھا کہ اس وقت شرع سود 22 فیصد سے کم کر کے 12 فیصد پر لائی جا چکی ہے جبکہ پٹرول میں بھی 38 روپے تک کی کمی کی جا چکی ہے۔پورے خطے میں پٹرول کی قیمت آج بھی کم ہے