گھوڑا گلی مری میں جاری احتجاج ختم

ڈپٹی کمشنر مری نے پولیس حکام کے ہمراہ احتجاجی مظاہرین سے مذاکرات کیے جس میں یقین دہانی کرائی گئی کہ مقتول خاور عباسی کے قتل میں ملوث ملزم کاشف عرف کاشی کو 20 دن کے اندر گرفتار کر لیے جائے گا۔

یہ بھی پڑھیں:۔ مری میں نوجوان کے بہیمانہ قتل کیخلاف احتجاج۔شاہراہ بند

مظاہرین کی جانب سے اس یقین دہانی پر اعتبار میں پس و پیش سے کام لیا جا رہا تھا اور ان کا مطالبہ تھا کہ ملزم کو فوری گرفتار کیا جائے بصورت دیگر احتجاج ختم نہیں کیا جائے گا تاہم بعد ازاں طویل مشاورت کے بعد ایڈوکیٹ عمران عباسی نے یقین دہانی کرائی کہ وہ ملزم کی گرفتاری کی ضمانت دیں گے جس کے بعد مظاہرین نے احتجاج ختم کرنے کا اعلان کر دیا۔