طورخم سرحد پاسپورٹ اور ویزہ ہولڈرز کے لیے کھول دی گئی

امیگریشن حکام کے مطابق طورخم سرحد کو پاسپورٹ اور ویزہ رکھنے والے مسافروں کے لئے کھول دیا گیا ہے جبکہ تذکرہ ہولڈرز کو سرحد پار کرنے کی اجازت نہیں دی جائے گی۔

ذرائع کے مطابق اس دوران طورخم بارڈر پر مرمتی کام بھی مکمل کر لیا گیا ہے جس کے بعد حفٹے کے روز سے دونوں طرف کے مسافروں کے لئے آمد و رفت بحال کر دی گئی ہے۔ سرحدی حکام نے واضح کیا ہے کہ بغیر پاسپورٹ اور ویزہ سفر کرنے کی اجازت نہیں ہوگی.

واضح رہے کہ طورخم سرحد پاکستان اور افغانستان کے درمیان ایک اہم گزرگاہ ہے جہاں روزانہ ہزاروں افراد کی آمدورفت ہوتی ہے اور سینکڑوں گاڑیاں دونوں سرحد پار کر آتی جاتی ہیں