یہ ہماری اورآنے والی نسلوں کی بقا کی جنگ ہے،آرمی چیف 

آرمی چیف کا کہنا تھا کہ ملک میں پائیدار استحکام کے لئے قومی طاقت کے تمام عناصر کو ہم آہنگی کے ساتھ مل کر کام کرنا ہو گا، آرمی چیف نے واضح کیا کہ یہ ہماری اور ہماری آنے والی نسلوں کی بقا کی جنگ ہے، آرمی چیف نے کہا کہ  بہتر گورننس اور مملکت پاکستان کو Hard State بنانے کی ضرورت ہے.

انہوں نے سوال کیا کہ ہم کب تک ایک Soft State کے طرز پر بے پناہ جانوں کی قربانی دیتے رہیں گے، اور گورننس کے گیپس کو کب تک افوج پاکستان اور شہداء کے خون سے بھرتے رہیں گے، آرمی چیف نےعلماء سے درخواست کی کہ وہ خوارج کی طرف سے اسلام کی مسخ شدہ تشریح کا پردہ چاک کریں، آرمی چیف کا کہنا تھا کہ اگر یہ ملک ہے تو ہم ہیں، لہٰذا ملک کی سلامتی سے بڑھ کر ہمارے لئے کوئی چیز نہیں،

انہوں نے اس بات پر زور دیا کہ پاکستان کے تحفظ کیلئے یک زبان ہو کر اپنی سیاسی اور ذاتی مفادات سے بالاتر ہو کر ایک بیانیہ اپنانا ہو گا،

جو لوگ یہ سمجھتے ہیں کہ وہ پاکستان کو ان دہشتگردوں کے ذریعے کمزور کر سکتے ہیں آج کا دن ان کو یہ پیغام دیتاہے کہ ہم متحد ہو کر نہ صرف ان کو بلکہ ان کے تمام سہولت کاروں کو بھی ناکام کریں گے، اُنہوں نے کہا کہ ہمیں اللہ تعالیٰ پر پورا بھروسہ ہے جو کچھ بھی ہو جائے انشاء اللہ ہم کامیاب ہونگے.