بنوں میں فائرنگ کا تبادلہ،2دہشتگرد ہلاک،ایک راہگیر جاں بحق
بنوں میں سی ٹی ڈی اور دہشتگردوں کے مابین فائرنگ کا تبادلہ ہوا جس میں 2 دہشتگرد ہلاک جبکہ فائرنگ کی زد میں آکر ایک راہگیر بھی جاں بحق ہو گیا ۔
پولیس ذرائع کے مطابق واقعہ تھانہ بکا خیل کی حدود شوا میں پیش آیا جہاں سی ٹی ڈی پولیس اور دہشت گردوں کے مابین فائرنگ کا تبادلہ ہوا
یہ بھی پڑھیں:۔جنوبی وزیرستان کے دونوں اضلاع میں آج سے کرفیو نافذ
جس کے نتیجے میں 2 دہشت گرد ہلاک ہو گئے ،پولیس حکام کے مطابق دہشتگردوں کی موجودگی کی اطلاع پر سی ڈی ڈی نے چھاپہ مارا اس دوران فائرنگ کا تبادلہ ہوا ۔
یہ بھی پڑھیں:۔ بنوں کینٹ حملے میں ہلاک مزید 3 افغان دہشت گردوں کی شناخت
فائرنگ کی زد میں آکر ایک راہگیر بھی جاں بحق جبکہ ایک زخمی ہو گیا ۔
پولیس ذرائع نے بتایا کہ ہلاک ہونے والے دہشت گرد بنوں میں پولیس اہلکار کی ٹارگٹ کلنگ میں ملوث تھے ،دہشت گردوں نے آج ہی کانسٹیبل ارمان خان کو فائرنگ کرکے شہید کیا تھا ۔
