آزادکشمیر کے مختلف علاقوں میں بارش اور برفباری

وادی لیپا شیڑ گلی شاہراہ پر برفانی تودے گرنے سے سڑک بند ہے، وادی نیلم کی شاہراہ کیل تک ٹریفک کیلئے بحال ہے، کیل سے تاؤ بٹ شاہراہ ٹریفک کیلئے بند ہے۔

ایس ڈی ایم اے کے مطابق برفباری کی وجہ سے شاہراؤں پر پھسلن ہے، غیر ضروری سفر سے اجتناب برتا جائے۔

دوسری طرف باغ شہر اور گنگا چوٹی، سدھن گلی، نیزہ گلی، پیر کینٹھی، شیروڈھارا، بھیڈی، موٹاں والی، شیر کیمپ کے مقامات پر شدید برفباری ہوئی۔

برفباری سے زیریں مقامات شدید سردی کی لپیٹ میں آ گئے، برفباری سے بیشتر رابطہ سڑکیں بند ہو گئیں، لسڈنہ، حاجی پیر، نیزہ گلی، تولی پیر، بھیڈی، چکارسدھن گلی، حویلی، محمود گلی سمیت متعدد شاہراہیں چھوٹی گاڑیوں کے لیے بند ہیں۔