بچی کو ونی کرنے میں ملوث مرکزی ملزم گرفتار

ڈیرہ اسماعیل خان کے گاؤں بھگوانی میں بچی کو ونی کرنے کے کیس میں ملوث ملزم کو گرفتار کرلیا گیا۔

پولیس کے مطابق اب تک مرکزی ملزم سمیت 3  کو گرفتار کیا جا چکا ہے جبکہ دیگر تین ملزمان کی گرفتاری کےلیے چھاپے مارے جارہے ہیں۔

پنچایت کی جانب سے 12 سال کی بچی کو ونی کیے جانے پر والد نے دلبرداشتہ ہوکر زہریلی گولیاں کھا کر خودکشی کرلی تھی۔

بچی کے والد نے خود کشی سے پہلے اپنے آڈیو پیغام میں 6  افراد کو بچی کو ونی کرنے کا ذمہ دار قرار دیا تھا۔