ملالہ یوسفزئی ایک روزہ دورے پر اپنے آبائی گاؤں پہنچ گئیں

ملالہ یوسفزئی کی آمد پر ان کے خاندان اور سکول کے بچوں نے شاندار استقبال کیااور پھر وہ اپنے آبائی گاؤں میں رشتہ داروں سے ملاقاتیں کرنے گئیں۔ ملالہ نے اپنے پرانے گھر کا بھی دورہ کیا اور وہاں کچھ وقت گزارا۔

ڈی آئی جی ملاکنڈ ڈویژن شیر اکبر خان کے مطابق ملالہ یوسفزئی نے یتیم اور غریب بچیوں کے لیے تعمیر شدہ ملالہ یوسفزئی سکول کا دورہ کیا۔جہاں انہوں نے سکول کی طالبات سے ملاقات کی اوراُن کے ساتھ کچھ وقت گزارا اور ان کے مسائل سنے۔  ملالہ یوسفزئی نے شاہ پور گرلز ہائی سکول میں منعقدہ تقریب  میں بھی شرکت کی اوربعد ازاں شانگلہ سے واپس اسلام آباد کے لیے روانہ ہوگئیں۔

۔۔۔۔۔