بنوں کینٹ حملہ۔شہداء کی تعداد 12 ہو گئی

دہشت گردوں نے منگل کی شام افطار کے بعد بنو کینٹ میں داخل ہونے کی کوشش کی تاہم سکیورٹی فورسز نے بروقت کارروائی کرتے ہوئے چھ خوارج کو مختلف داخلی پوائنٹس پر نشانہ بنا کر ہلاک کر دیا۔
داخلے کی کوشش میں ناکامی پر دہشت گردوں نے بارود سے بھری دو گاڑیاں بنوں کینٹ کی دیوار سے ٹکرا دیں جس کے نتیجے میں مسجد کو شدید نقصان پہنچا اور قریبی گھر کی چھت بھی گر گئی۔

سیکیورٹی ذرائع کا کہنا ہے کہ اس کے نتیجے میں 12 شہری شہید اور 32 زخمی ہو گئے جن میں سے تین شہری مسجد میں شہید ہوئے جبکہ باقی ملحقہ بازار میں عمارت منہدم ہونے کے نتیجے میں جان بحق ہوئے۔
یہ حملہ عین اس وقت کیا گیا جب افطار کے وقت بازار میں لوگوں کا رش تھا۔
سیکیورٹی ذرائع کے مطابق رات گئے تک فتنہ خوارج کے باقی ماندہ دہشت گردوں کے خلاف کارروائی جاری تھی جن کا فون پر افغانستان سے رابطہ تھا