ہرنائی میں کان کنوں کی گاڑی پر دھماکا، 10محنت کش جاں بحق

پک آپ گاڑی میں سوار دس محنت کش افراد کے جان بحق اور چھ افراد کے زخمی ہونے کی اطلاعات ہیں.

پک آپ گاڑی میں سوار افراد کوئلہ کانوں میں کام کرنے کےلیے جارہے تھے،

زخمیوں اور جاں بحق افراد کی لاشوں کو رورل ہیلتھ سنٹر شاہرگ منتقل کر دیا گیا.

اطلاع ملنے پر سیکورٹی فورسز اور انتظامیہ متعلقہ علاقےمیں پہنچ گئے،جاں بحق اور زخمیوں کا تعلق کے پی کے شہر سوات سے بتایا جاتا ہے.

ڈپٹی کمشنرہرنائی نے تصدیق کی ہے کہ جاں بحق اورزخمی کان کن مزدورتھے،

صدرمملکت آصف زرداری، وزیراعظم شہباز شریف اور وزیر داخلہ محسن نقوی  نے  دھماکے کی مذمت اور دھماکے کے نتیجےمیں مزدوروں کی وفات پر اظہارافسوس کیا ہے۔

صدرنے جاں بحق ہونے والوں کے لواحقین کے ساتھ اظہار تعزیت کیا اور زخمیوں کی جلد صحتیابی کی دعا کی۔

وزیراعظم شہبازشریف نے بھی بلوچستان میں مزدوروں کی گاڑی پردھماکے کی مذمت کرتےہوئے کہا کہ درندوں کو بہت سخت قیمت ادا کرنی پڑے گی، دہشتگردی کی عفریت کے خاتمے کیلئے سرگرم عمل ہیں۔