خطہ کوہسار کے عظیم مفکر حافظ سعید احمد سعود سپرد خاک

خطہ کوہسار کے عظیم مفکر حافظ سعید احمد سعود سپرد خاک کر دیے گئے.

تفصیلات کے مطابق قرآنی علوم کے ماہر، خطہ کوہسار اور پوٹھوہار کے نامور دانشور ، محقق اور مصنف حافظ سعید احمد سعود کو ہزاروں سوگواروں کی موجودگی میں آبائی علاقے میں سپردِ خاک کر دیا گیا۔

وہ گزشتہ چند ہفتوں سے اسلام آباد کے ایک اسپتال میں زیر علاج تھے جہاں پیر کی شام خالق حقیقی سے جا ملے۔ حافظ سعید کی نماز جنازہ منگل کی سہ پہر تین بجے پھگواڑی مری میں ادا کی گئی اور بعد ازاں آبائی قبرستان میں سپرد خاک کر دیا گیا۔نماز جنازہ میں بڑی تعداد میں اہل علم اور اہل قلم کے علاوہ مرحوم کے شاگردوں اور نیاز مندوں نے شرکت کی۔مرحوم دینی علوم کے ساتھ ساتھ سائنسی علوم پر بھی دسترس رکھتے تھے۔حال ہی میں ماحولیات کے حوالے سے ان کی ایک کتاب "فطرت اور ماحول ” منصہ شہود پر آئی تھی جبکہ ایک اور کتاب زیر طبع تھی. مرحوم کو سنجیدہ علمی اور ادبی حلقوں میں اہم مقام حاصل تھا مگر انہوں نے خود داری اور درویشی میں زندگی گزاری.