خیبر پختونخواہ میں3 آپریشنز،19خوارج ہلاک،3جوان شہید

muhammad aamir 7 جنوری, 2025 10:21 شام 13 مناظر

سیکیورٹی فورسز نے خیبرپختونخوا کے مختلف اضلاع میں 3 آپریشنز کئے جس میں مجموعی طور پر 19 خوارج ہلاک ہوئے،ڈہشتگردوں کے خلاف لڑتے ہوئے پاک فوج کے 3 جوانوں نے جامِ شہادت نوش کیا۔
پاکستان فوج کے شعبہ تعلقات عامہ انٹرسروسز پبلک ریلیشنز(آئی ایس پی آر) کے مطابق خیبر پختونخواہ میں3مختلف انٹیلی جنس بیسڈ آپریشنزکئے ، پشاور میں خوارج کی موجودگی کی اطلاع پر سکیورٹی فورسز نے کارروائی کی جہاں 8 خوارج ہلاک کردئے گئے
آئی ایس پی آر کے مطابق ایک اور آپریشن ضلع مہمند کے علاقے بازئی میں کیا گیا جہاں فائرنگ کے تبادلے میں آٹھ خوارج ہلاک ہوئے جبکہ کرک میں بھی دہشت گردوں کے ساتھ سیکیورٹی فورسز کا فائرنگ کا تبادلہ ہوا جس میں 3خوارج ہلاک ہوئے۔

آئی ایس پی آر نے کہا کہ فائرنگ کے شدید تبادلے میں مادر وطن کے3سپوت بہادری سے لڑتے ہوئے شہید ہوئے،شہداء میں لانس حوالدار عباس علی، نائیک محمد نذیر، نائیک محمد عثمان شامل ہیں۔

لانس حوالدار عباس علی کی عمر 38 برس تعلق ضلع غذر سے تھا،نائیک محمد نذیر کی عمر 37 برس تعلق سکردو سے تھا، نائیک محمد عثمان کی عمر 37 برس تعلق ضلع اٹک سے تھا،تینوں شہدا نے دہشتگردوں کے خلاف بہادری سے لڑتے ہوئے جان کا عظیم نظرانہ پیش کر کے جام شہادت نوش کیا۔

آئی ایس پی آر کے مطابق علاقے میں ممکنہ خوارج کےخاتمےکےلیے کلیئرنس آپریشن جاری ہے،سیکیورٹی فورسزدہشتگردی کےخاتمےکے لیے پرعزم ہیں،جوانوں کی یہ قربانیاں ہمارے عزم کومزیدتقویت دیتی ہیں۔

خیبر پختونخواہ میں3 آپریشنز،19خوارج ہلاک،3جوان شہید

Related

متعلقہ خبریں