پاک بحریہ کا کامیاب آپریشن،لاکھوں ڈالر مالیت کی منشیات ضبط

پاک فوج کے شعبہ تعلقات عامہ آئی ایس پی آر کے مطابق انسدادِ منشیات آپریشن شمالی بحیرہ عرب میں کیا گیا۔

آئی ایس پی آر کے مطابق پی این ایس معاون نے مشکوک کشتی پر بورڈنگ آپریشن کرکے منشیات قبضے میں لی۔ ضبط شدہ منشیات کی بین الاقوامی مارکیٹ میں مالیت تقریباً 1 ملین امریکی ڈالر ہے۔

آئی ایس پی آر کے مطابق منشیات سمندر کے راستے بین الاقوامی مقامات تک پہنچائی جانی تھی۔ پاک بحریہ سمندری حدود میں غیر قانونی سرگرمیوں کی روک تھام کیلئے سرگرم ہے۔