پشاور،پرانی دشمنی،فائرنگ سے 5 جاں بحق

خیبر پختونخوا کے دارالحکومت پشاور کے علاقے سفید ڈھیری میں پرانی دشمنی پر 2 گروہوں میں فائرنگ سے 5 افراد ہلاک ہوگئے ہیں۔

پولیس حکام کے مطابق پرانی دشمنی پر ہونے والے فائرنگ کے واقعے میں 2 افراد زخمی بھی ہوئے جو اسپتال میں زیر علاج ہیں۔

پولیس حکام کے مطابق ایک ملزم کو گرفتار کرلیا گیا جبکہ دیگر کی گرفتاری کےلیے کوششیں جاری ہیں۔

پولیس کے مطابق فائرنگ سے جاں بحق افراد میں 3 راہ گیر بھی شامل ہیں۔ فائرنگ جائیداد کے تنازع پر کی گئی تھی۔