حکومت کا پیٹرولیم مصنوعات کی قیمتیں برقرار رکھنے کا فیصلہ

حکومت نے پٹرولیم مصنوعات کی قیمتوں میں بغیر کسی رد وبدل کےمستحکم رکھنے کا فیصلہ کیا ہے۔

وزارت خزانہ کی جانب سے جاری نوٹیفکیشن کے مطابق پٹرولیم مصنوعات کی قیمتیں 15 دسمبر سے یکم جنوری 2025 تک بغیر کسی ردوبدل کے برقرار رکھنے کا فیصلہ کیا گیا ہے۔

پٹرول کی قیمت 252 روپے 10 پیسے فی لٹر اور ہائی سپیڈ ڈیزل کی قیمت 258 روپے 43 پیسے فی لٹر پر مستحکم رہے گی۔

واضح رہے کہ یکم دسمبر کوحکومت نے پٹرول کی قیمت میں 3 روپے 72 پیسے جبکہ ڈیزل کی قیمت میں 3 روپے 29 پیسے اضافہ کیا تھا۔