زرتاج گل وزیر نے قومی اسمبلی میں تحریک التواء پیش کر دی

پاکستان تحریک اںصاف(پی ٹی آئی) کی خاتون رہنما اور پارلیمانی لیڈر زرتاج گل وزیر نے قومی اسمبلی میں تحریک التواء پیش کر دی۔
تفصیلات کے مطابق سابق وفاقی وزیر زرتاج گل نے اسلام آباد میں نہتے مظاہرین پر فائرنگ اور قتل پر قومی اسمبلی میں بحث کروانے کی مطالبہ کیاہےانہوں نے کہا ہے کہ پرامن شہریوں اور صحافیوں کے حقوق کی خلاف ورزی برداشت نہیں کی جائے گی،مظاہرین پر طاقت کا استعمال آئین پاکستان اور بنیادی انسانی حقوق کی خلاف ورزی ہے۔

زرتاج گل کا مزید کہناتھا کہ قومی اسمبلی میں بنیادی انسانی حقوق کی پامالی پر فوری بحث کا مطالبہ ہے،ریاستی اداروں پر عوامی اعتماد کو بچانے کے لیے فوری اقدامات ضروری ہیں۔