نامعلوم افراد کی فائرنگ سےگنڈاپور کےچچازاد بھائی جاں بحق

مقتول سردار ثقلین خان گنڈاپور وزیراعلی خیبر پختونخوا سردار علی امین خان گنڈاپور کے چچا زاد بھائی، سردار محمد اسماعیل خان گنڈا پور کے بیٹے اور کرین پارٹی کے سابق صوبائی امیدوار سردار فریدون گنڈا پور کے بھائی تھے.

ملزمان جائے وقوعہ سے فرار ہونے میں کامیاب ہوگئے۔ابتدائی تحقیقات کے بعد ملزمان تلاش شروع کر دی گئی۔ مقتول کی نماز جنازہ کلاچی کے علاقہ رانا زئی عیدگاہ میں ادا کر دی گئی ، جس میں بڑی تعداد میں سیاسی و سماجی شخصیات اور معززین علاقہ نے شرکت کی.

گزشتہ روز وزیر اعلیٰ خیبر پختونخوا علی امین گنڈاپور نے پشاور میں نیوز کانفرنس کرتے ہوئے کہا تھا کہ ہماری حکومت میں امن و امان کی صورتِ حال بہتر ہوئی ہے، صوبے میں سی ٹی ڈی فعال ہے۔

ان کا مزید کہنا ہے کہ سی ٹی ڈی کو مزید ایک ارب روپے دے رہے ہیں، خیبر پختونخوا کے عوام پاکستان کے لیے قربانیاں دے رہے ہیں، شہداء کے کوٹے کو 5 سے بڑھا کر 12 فیصد سے زائد کر دیا گیا ہے۔