یکم جنوری2028سے ملک سے سودی نظام ختم ہونا چاہیے،فضل الرحمان

muhammad aamir 1 دسمبر, 2024 9:51 شام 13 مناظر

اسلامی نظریاتی کونسل کی سفارشات پر آج تک قانون سازی نہیں ہوسکی۔ وفاقی شریعت عدالت نے سود کے نظام کے خاتمے کا فیصلہ دیا تھا۔

جمعیت علماء اسلام (جے یو آئی-ف) کے سربراہ مولانا فضل الرحمان کا کہنا ہے کہ یکم جنوری 2028 سے ملک سے سود کا نظام ختم ہوجانا چاہیے۔

لودھراں میں باب العلوم کے طلبا سے خطاب کرتے ہوئے فضل الرحمان نے کہا کہ اسلامی نظریاتی کونسل کی سفارشات پر آج تک قانون سازی نہیں ہوسکی۔

فضل الرحمان نے کہا کہ وفاقی شریعت عدالت نے سود کے نظام کے خاتمے کا فیصلہ دیا تھا۔

سربراہ جے یو آئی (ف) نے کہا کہ سرکار نے جو ترمیمی بل پیش کیا اس کی 56 شقیں تھی ہم نے 34 کٹوا دیں، مجھے بہت کہا گیا کہ جس پوزیشن میں ہے پاس کریں۔

مولانا فضل الرحمان نے مزید کہا کہ 26ویں ترمیم کے بعد آپ نے وہی کام شروع کیے جس سے ہم آپ کو روک رہے تھے۔