اے این پی خیبر پختونخوا میں گورنر راج لگانے کی مخالف

نجی ٹی وی سے گفتگو کرتے ہوئے انجینئر احسان اللّٰہ کا کہنا تھا کہ اے این پی خیبر پختونخوا میں گورنر راج کی مخالفت کرتی ہے۔ گورنر راج لگ بھی جائے تو تین ماہ بعد ختم ہوجائے گا۔

انہوں نے کہا کہ پی ٹی آئی کی اسمبلی میں اکثریت ہے، گورنر راج اثر انداز نہیں ہوگا۔

اے این پی رہنما کا کہنا تھا کہ حکومت اور پی ٹی آئی میں معنی خیز مذاکرات کی ضرورت ہے۔ اگر قانونی طریقے سے بانی پی ٹی آئی رہا بھی ہوجائیں تو کیا ہوجائے گا؟

انجینئر احسان اللّٰہ نے کہا کہ ملک میں سیاسی عدم استحکام خطرناک حد تک بڑھ گیا ہے۔