ڈی چوک احتجاج،زخمی اورجاں بحق افراد کی فہرست سامنے آگئی

اسلام آباد(اُمت نیوز)اسلام آباد میں احتجاج کے دوران زخمی اور جاں بحق ہونے والے افراد کی فہرست سامنے آگئی۔

پولی کلینک اسپتال کے حکام کے مطابق پولی کلینک میں 2 لاشیں اور 26 زخمی لائے گئے۔

حکام کے مطابق پولی کلینک لائے گئے تمام افراد کو گولیاں لگی ہیں، زخمیوں میں بیشتر کا تعلق خیبرپختونخوا کے مختلف علاقوں سے ہے۔

واضح رہے کہ تحریک انصاف نے اسلام آباد میں گزشتہ رات احتجاج ختم کرنے کا اعلان کردیا تھا۔