پی ٹی آئی کے احتجاج کے حق کی حمایت کرتے ہیں،حافظ نعیم

muhammad aamir 23 نومبر, 2024 11:05 شام 11 مناظر

تمام قافلے اسلام آباد کی طرف اپنے سفر کا آغاز کریں گے اور یہ تحریک اہداف حاصل کرنے تک جاری رہے گی۔

امیر جماعت اسلامی پاکستان حافظ نعیم الرحمان نے کہا ہے کہ وہ پی ٹی آئی کے احتجاج کے حق کی حمایت اور حکومت کے اوچھے ہتھکنڈوں کی مذمت کرتے ہیں۔

حیدرآباد میں نیوز کانفرنس کے دوران حافظ نعیم نے کہا کہ پی ٹی آئی کا ملک بند کرنے کا مقصد تو حکومت نے خود ہی پورا کردیا ہے۔

واضح رہے کہ تحریکِ انصاف کی سیاسی کمیٹی کے ہنگامی اجلاس کا اعلامیہ جاری کر دیا گیا۔

اعلامیے کے مطابق بانی پی ٹی آئی کی ہدایت پر پُرامن احتجاجی تحریک کا آغاز 24 نومبر کو پاکستان بھر کے ہر شہر سے ہو گا۔

اعلامیے میں کہا گیا ہے کہ تمام قافلے اسلام آباد کی طرف اپنے سفر کا آغاز کریں گے اور یہ تحریک اہداف حاصل کرنے تک جاری رہے گی۔