مانسہرہ میں نکاح کی تقریب کے بعد فائرنگ سے نوجوان جاں بحق

نعش پوسٹمارٹم کے بعد ورثاء کے حوالے کر سے گئی.

تفصیلات کے مطابق گزشتہ روز منیب ولد شوکت سکنہ نوکوٹ کے نکاح کی تقریب بھیرکنڈ جامع مسجد فاروق اعظم رضی اللہ عنہ میں منعقد ہوئی، جس کے بعد مسجد کے باہر فائرنگ کی گئی جس کی زد میں آ کر 24/25 سالہ نوجوان ذیشان ولد وحید احمد سکنہ نوکوٹ گولی لگنے سے شدید زخمی ہو گیا،جسے کنگ عبداللہ ہسپتال پہنچایا گیا، جہاں وہ زخموں کی تاب نہ لاتے ہوئے جاں بحق ہو گیا۔ جس کی نعش پوسٹمارٹم کے بعد ورثاء کے حوالے کر دی گئی۔جبکہ تھانہ خاکی پولیس نے مد عیان کی رپورٹ پر فائرنگ کرنے والے نوید ولد یوسف سکنہ نوکوٹ کے خلاف رپورٹ درج کر کے گرفتاری کے لئے چھاپوں کا سلسلہ شروع کردیا گیا ہے۔