راولپنڈی میں لیاقت باغ اسٹیشن پر میٹرو بس سے اترتے ہوئے ٹائر کے نیچے آکر بچے کے جاں بحق ہونے کا مقدمہ درج کر لیا گیا، تھانہ وارث خان پولیس نے بچے کی والدہ کی مدعیت میں مقدمہ درج کر لیا۔ایف آئی آر کے مطابق چار سالہ ریحان نتھیا گلی کا رہائشی، والدہ کے ساتھ راولپنڈی نانی کے گھر آیا ہوا تھا، جمعہ کی شب لیاقت باغ پر میٹرو بس سے اترتے ہوئے بچہ گیٹ کے ساتھ گیپ میں پھنس گیا، ڈرائیور نے اسٹیشن کا دروازہ بند ہونے سے قبل ہی بس چلا دی جس کے نتیجے میں بچہ میٹرو بس ٹریک پر گر کر ٹائر کے نیچے آگیا، بچے کے پھنسنے پر شور شرابا بھی کیا گیا لیکن کسی نے نہیں سنی اور ڈرائیور نے بس چلا دی۔ایف آئی آر میں کہا گیا کہ بچےکی موت بس ڈرائیور اور میٹرو بس انتظامیہ کی غفلت سے ہوئی۔عینی شاہدین کے مطابق بچے کی لاش کافی دیر تک جائے حادثہ پر پڑی رہی تا ہم میٹرو کا کوئی ذمہ دار سامنے نہیں آیا۔
چار سالہ بچہ میٹرو بس تلے کچلا گیا۔مقدمہ درج
