اڈیالہ کا قیدی خونی انقلاب کے خواب دیکھ رہا ہے: عظمٰی بخاری

 وزیر اطلاعات پنجاب عظمیٰ بخاری نے کہا ہے کہ اڈیالہ جیل کا قیدی خونی انقلاب کے خواب دیکھ رہا ہے۔اڈیالہ جیل کے قیدی کو جیل سے نکلنے کیلئے لاشوں کی ضرورت ہے۔لاشوں کی سیاست بانی پی ٹی آئی کا پرانا وطیرہ ہے۔آئین پاکستان میں کہاں لکھا ایک صوبے کا وزیراعلیٰ ہر مہینے فیڈریشن پر چڑھائی کریگا؟آئین پاکستان میں کہاں لکھا ہے ایک وزیر اعلیٰ سرکاری مشینری اور عملے کو بطور جتھے استعمال کریگا؟

انہوں نے کہا کہ اگر ایک وزیراعلیٰ کے عدالتوں میں پیشی سے سرکاری امور متاثر ہوتے تو وفاق پر حملے سے صوبے کی کونسی خدمت ہوتی؟جو پیسہ صوبے کی عوام کی فلاح بہبود پر خرچ ہونا چاہیے وہ جلسے اور احتجاج پر خرچ ہورہا۔وزیراطلاعات پنجاب عظمیٰ بخاری نے مزید کہاپچھلے 8ماہ سے کے پی کی عوام کیلئے ایک بھی فلاحی منصوبہ شروع نہیں ہوسکا۔مریم نواز نے پنجاب میں 8ماہ میں 84نئے عوامی فلاح منصوبے شروع کیے ہیں۔علی امین کو حکومت امور چلانے کیلئے مریم نواز کے ویژن سے سبق سیکھنا چاہیے۔پنجاب کے منصوبوں کو کاپی کرنے کے اعلانات تو کیے جاتے عملی کارکردگی صفر ہے۔اڈیالہ جیل کا قیدی خونی انقلاب کے خواب دیکھ رہا ہے۔اڈیالہ جیل کے قیدی کو جیل سے نکلنے کیلئے لاشوں کی ضرورت ہے۔لاشوں کی سیاست بانی پی ٹی آئی کا پرانا وطیرہ ہے۔