بانئی پی ٹی آئی سے ملاقات زیرِ غور نہیں: ترجمان جے یو آئی

جے یو آئی کے ترجمان کا کہنا ہے کہ بانئ پی ٹی آئی سے ملاقات زیرِ غور نہیں۔

ایک بیان میں جے یو آئی کے ترجمان نے کہا کہ سینیٹر کامران مرتضیٰ کو اس سلسلے میں کوئی ٹاسک نہیں دیا گیا۔

انہوں نے کہا کہ بانئ پی ٹی آئی کے مقدمات کا فیئر ٹرائل ہونا چاہیے، پی ٹی آئی سے بطور اپوزیشن جماعت رابطہ ہے اور رہے گا۔

ترجمان کا کہنا ہے کہ مختلف ایشوز پر ملاقاتوں اور مشاورتوں کا سلسلہ جاری رہے گا۔