پنجاب میں کاشتکاروں کوہزاروں مفت گرین ٹریکٹردینے کااعلان

”کسان خوشحال،پنجاب خوشحال“ ویژن کے تحت پنجاب میں گندم کی زیادہ پیداوار کے حصول کے لئے وزیراعلی پنجاب مریم نواز شریف کی طرف سے گندم کے کاشتکاروں کے لئے اربوں روپے کا تاریخی اور ریکارڈ انعامی پیکج پیش کیاگیاہے-

وزیراعلی مریم نواز شریف کی طرف سے تاریخ میں پہلی مرتبہ گندم کے کاشتکاروں کے لئے ہزاروں مفت گرین ٹریکٹر اور لینڈ لیولرز دینے کا اعلان کیا گیا- وزیراعلی مریم نوازشریف کے اعلان کے مطابق پنجاب میں ساڑھے 12 تا 25ایکٹر رقبے پر گندم کاشت کرنے والے کسانوں کیلئے 1000لینڈ لیولرز مفت دئیے جائیں گے اور اسی طرح پنجاب بھر میں 25ایکڑ سے زائد رقبہ پر کاشت کرنیوالے کسانوں کو 1000گرین ٹریکٹر بالکل مفت ملیں گے-

گندم کے کاشتکاروں کو گرین ٹریکٹر اور لینڈ لیولرز بذریعہ قرعہ ا ندازی دئیے جائیں گے- وزیراعلی مریم نوازشریف کا کہنا ہے کہ پنجاب کے کاشتکار کو تنہا نہیں چھوڑیں گے،پورا ساتھ دیں گے۔وزیراعلی مریم نوازشریف نے مزید کہا کہ کاشتکار ہمارے بھائی ہیں، کاشتکاروں کی ترقی کے لئے تمام ممکنہ اقدامات کریں گے۔پنجاب میں کاشتکارون .کی خوشحالی اور زراعت کی بحالی اولین ترجیح ہے

وزیراعلی مریم نوازشریف نے بتایا کہ گندم کی کاشت کے لئے کاشتکاروں کو پنجاب کسان کارڈ کے ذریعے بلاسود معیاری بیج،کھاد اور پیسٹی سائیڈ مہیا کی جارہی ہیں۔