وزیر اعلیٰ مریم نواز نے بصارت سے محروم یوٹیوبر اور وی لاگر حافظ محمد علی کی خواہش کا احترام کرتے ہوئے انہیں نئی گاڑی کا تحفہ دیا۔ وزیراعلیٰ مریم نوازشریف نے حافظ محمد علی کو گاڑی کی چابی دی اورخود دروازہ کھول کر اسے سیٹ پر بٹھایا۔

واضح رہے کہ حافظ محمد علی نابینا کرکٹر اورنعت گو بھی ہیں۔ گوگل پر کرکٹ کے بارے میں ماہرانہ تبصرے بھی پیش کرتے ہیں۔ محمد علی نے قرآن مجید حفظ کرنے کے بعد اپنے شوق اورلگن سے اردو اورانگلش زبان میں مہارت حاصل کی۔ حافظ محمد علی گوگل اسسٹنٹ کی مدد سے موبائل فون استعمال کرتے ہیں۔ بصارت سے محروم محمد علی ملک کے پہلے منفرد ویلاگر،یوٹیوبر،کرکٹر اورتبصرہ نگار بھی ہیں۔

حافظ محمد علی کے والد کراچی میں ڈرائیور کی پرائیویٹ جاب کرتے تھے۔ والد سے دور رہنے کی وجہ سے حافظ محمد علی اداس اور پریشان تھے۔ حافظ محمد علی نے چند ہفتے قبل وزیراعلیٰ مریم نوازشریف سے ملاقات میں گاڑی کی خواہش کا اظہار کیا۔ وزیراعلیٰ مریم نوازشریف نے حافظ محمد علی کی معصوم خواہش کا احترام کرتے ہوئے انہیں گاڑی کا تحفہ پیش کیا۔

حافظ محمد علی نے گاڑی ملنے پر خوشی کا اظہار کیا اوروزیراعلیٰ مریم نوازشریف کا شکریہ ادا کیا۔ حافظ محمد علی نے اس موقع پر گفتگو کرتے ہوئے کہا کہ وزیراعلیٰ مریم نوازشریف واقعی ماں کے جیسی ہیں،اتنا احساس تو کوئی ماں ہی کرسکتی ہے