نئی قانون سازی 26 ویں آئینی ترمیم کی توہین ہے، فضل الرحمان

muhammad aamir 4 نومبر, 2024 8:19 شام 10 مناظر

اسلام آباد میں سربراہ جے یو آئی مولانا فضل الرحمان نے پریس کانفرنس کرتے ہوئے کہاکہ حکومت نئی قانون سازی کی جانب جارہی ہے، حکومت انسداد دہشتگردی قوانین میں ترمیم کرنا چاہتی ہے ، پہلے نیب سے شکاتیں تھیں اب اداروں کو بے تہاشہ اختیارات دیئے جا رہے ہیں ،ن لیگ ، پیپلزپارٹی ایسا قانون پاس کررہےہیں جو جمہوری روایات کا گلا گھونٹ دیں گے ،نئی قانون سازی 26 ویں آئینی ترمیم کی توہین ہے، جمہوری لوگ ہیں ، آئین اور قانون کے دائرہ میں رہیں گے،مولانا فضل الرحمان نے کہاکہ ایک بار پھر دفاعی ادارے کو وہ اختیارات دیئے جارہے ہیں جو ان کی ذمہ داری میں نہیں،پہلے نیب کےپاس اس طرح کے اختیارات کی بات ہورہی تھی،یہ سول مارشل لاء کے مترادف اور جمہوریت کے منہ پر طمانچہ ہوگا۔ان کاکہناتھا کہ سکھر میں 28 نومبر کو عوامی اسمبلی لگائیں گے۔

سربراہ جے یو آئی نے کہا کہ اسرائیل نے غزہ میں جنگی جرائم کا ارتکاب کیا ہے،پاکستانی قوم مظلوم فلسطینیوں کی مدد کیلئے آگے بڑھے،اسرائیل سلامتی کونسل کی قرارداوں پر عملدرآمد نہیں کررہا ، مغربی ممالک اسرائیل کی پشت پناہی کررہے ہیں،ان کاکہناتھا کہ جے یو آئی مرکز شوری کا دو روزہ اجلاس اسلام آباد میں ہوا ، شوریٰ کو 26 ویں آئینی ترمیم کی تفصیلات و مذاکرات سے آگاہ کیا گیا،شوریٰ نے ترمیم پر اطمینان کا اظہار کیا ، شوری نے سود کے خاتمے اور وفاقی شرعی عدالت کی اہمیت بڑھانے کو اہم کامیابی قرار دیا ،دینی مدارس کی رجسٹریشن میں آسانی اور بینک اکاونٹ ایکٹ کو مستحسن اقدام قرار دیا ہے ، انہوں نے مزید کہا کہ شوری نے فلسطین پر وحشیانہ بمباری کے اسرائیلی جنگی جرائم کو انسانیت کش قرار دیا ، شوری نے اقوام متحدہ کی بے بسی کو اقوام عالم کی جانب سے قتل کی حمایت قرار دیا ہے ، بمباری پر خاموشی کے بعد امریکا اور مغرب کو انسانی حقوق پر بات کرنے کا کوئی حق نہیں ۔

نئی قانون سازی 26 ویں آئینی ترمیم کی توہین ہے، فضل الرحمان

Related

متعلقہ خبریں