نواز شریف کی آئندہ چند روز میں لندن آمد متوقع

سابق وزیراعظم و صدر مسلم لیگ ن نواز شریف کی آئندہ چند روز میں لندن آمد متوقع ہے۔

ذرائع نے بتایا کہ نواز شریف نے دو ہفتہ قبل لندن آنا تھا لیکن وہ 26ویں ترمیم کی ووٹنگ میں حصہ لینے کیلئے رک گئے تھے۔

نواز شریف ایک ہفتہ تک لندن پہنچیں گے۔ نواز شریف لندن میں مختصر قیام کے بعد امریکا روانہ ہوں گے، حسین نواز کے علاوہ خاندان کا ایک اور فرد بھی ان کے ہمراہ جائے گا۔

ذرائع کے مطابق نواز شریف کو امریکا کا ویزا اسی ہفتے ملنے کا امکان ہے۔ نواز شریف تقریباً ایک برس کے بعد لندن آرہے ہیں۔