ہمارے بغیر حکومت کے نمبرز پورے نہیں،کامران مرتضیٰ

نجی ٹی وی کے پروگرام میں گفتگو کے دوران کامران مرتضیٰ نے کہا کہ کل ڈھائی بجے پیپلز پارٹی کے ساتھ میٹنگ رکھی ہے۔

انہوں نے کہا کہ دیکھتے ہیں آئینی ترمیم سے متعلق تجاویز پر ہم کہاں تک آگے بڑھ سکتے ہیں، تحریک انصاف سے درخواست ہے کہ یہ موقع احتجاج کا نہیں ہے۔

کامران مرتضیٰ نے مزید کہا کہ ہم پی ٹی آئی اور پیپلز پارٹی حکومت سے اتفاق پانے والا مسودہ لے کر جائیں گے۔

ان کا کہنا تھا کہ ہمارے بغیر حکومت کے نمبرز پورے نہیں، اگر نمبرز پورے ہیں تو وہ کسی اور طرح ہوں گے، جو شرمناک ہے۔