بلوچستان میں کوئلہ کانوں پر دہشت گرد حملہ..19 کان کن جاں بحق

بلوچستان کے علاقے دکی میں مقامی کوئلہ کانوں پر دہشت گردوں کے حملوں میں19 کان کن جاں بحق اور6 زخمی ہوگئے۔

پولیس کے مطابق  دکی کی کانوں پر دستی بموں اور راکٹوں سے حملہ کیا گیا

ڈسٹرکٹ چیئرمین دکی حاجی خیر اللہ ناصر  نے کہا کہ حملہ آوروں نے حملہ میری کوئلہ کانوں پر کیا ہے اور اس حملے میں ہینڈ گرینیڈ اور راکٹ لانچر سمیت دیگر بڑے ہتھیار استعمال کیے گئے ہیں۔

ذرائع کے مطابق حملے کے نتیجے میں جاں بحق ہونے والوں میں 2 کان کنوں کا تعلق پشین اور 2 کا قلعہ سیف اللہ، ایک کا تعلق کچلاک اور ایک کا افغانستان سے ہے۔

کوئلے کی کانوں پر حملوں کے دوران مسلح حملہ آوروں نے دس کانوں کی مشینری کو بھی جلا دیا۔

ریسکیو کے مطابق زخمیوں کو ٹیچنگ اسپتال لورالائی منتقل کردیا گیا ہے.

Terrorist attack on coal mines in Balochistan،19 miners killed،کوئلہ کانوں پر دہشت گردحملہ..19 کانکن جاں بحق