5 آئی پی پیز سے معاہدے ختم.بجلی 10 روپے یونٹ تک لانے کا ہدف

جمعرات کے روز کابینہ اجلاس سے خطاب کرتے ہوئے وزیراعظم شہباز شریف نے کہا کہ پانچ ائی پی پیز نے باہمی رضامندی اور ذاتی مفاد کو قومی مفاد پر قربان کرتے ہوئے یہ فیصلہ کیا۔مذکورہ ائی پی پیز کو بجلی کی مد میں مزید ادائیگی نہیں کی جائے گی جبکہ سابقہ بقایہ جات سود کے بغیر ادا کیے جائیں گے

• وزیراعظم کا کہنا تھا کہ اس فیصلے کے نتیجے میں بجلی صارفین کو سالانہ 60 ارب روپے کا فائدہ پہنچے گا جبکہ معاہدوں کی منسوخی سے قومی خزانے کو 411 روپے کا فائدہ ہوگا جبکہ بجلی کی قیمتیں بھی کم ہوں گی۔
• وزیراعظم کا کہنا تھا کہ دیگر ائی پی پیز کے ساتھ معاہدوں پر بتدریج نظر ثانی کی جائے گی اور ٹیرف میں کمی لانے کی کوشش کریں گے۔ان کا کہنا تھا کہ عوام نے بڑی قربانی دی ہے اب وقت اگیا ہے کہ ان کی مشکلات کا ازالہ کیا جائے۔
• شہباز شریف نے مزید کہا کہ اس وقت ملکی معیشت استحکام کی جانب بڑھ رہی ہے مہنگائی کی شرح 30 فیصد سے کم ہو کر 6.9 فیصد پر اگئی ہے جس سے عوام کو ریلیف ملا ہے۔

10 ماہ میں بجلی قیمت 10 روپے یونٹ تک لانے کا ہدف

وفاقی وزیر توانائی اویس لغاری نے پریس کانفرنس سے خطاب کرتے ہوئے کہا ہے کہ پانچ ائی پی پیز کے ساتھ معاہدے کے خاتمے سے بجلی قیمتوں پر اثر پڑے گا جبکہ مختلف اقدامات کے ذریعے بجلی کی قیمتوں کو نیچے لے کر ائیں گے۔ان کا کہنا تھا کہ پانچ ائی پی پیز کے ساتھ مذاکرات کر کے معاملے کو حتمی شکل دی گئی ہم نے جائزہ لیا کہ کن پلانٹس کی ضرورت ہے اور کن کی نہیں۔
وزیر توانائی کا کہنا تھا کہ پاکستان میں بجلی کی قیمت 10 روپے فی یونٹ سے کم ہونی چاہیے۔ہم کوشش کریں گے کہ اٹھ سے دس ماہ کے اندر بجلی کی قیمت کو 10 روپے تک لے ائیں۔

حکومت نے ائی پی پیز کے ساتھ معاہدے ختم کرنے کے حوالے سے اعلامیہ جاری کیا گیا ہے جس کے مطابق جن کمپنیوں کے

 ساتھ بجلی خریدنے کے معاہدے ختم کیے گئے ان میں راوسچ پاور، صبا پاور، لال پیر، حبکو اور اٹلس پاور شامل ہیں۔

Contracts with 5 IPPs terminated. Target to bring electricity up to Rs 10 per unit