اسلام آباد پولیس کا گولڑہ میں گرینڈ سرچ اینڈ کومنگ آپریشن

پولیس کے مطابق آپریشن کے دوران 140 مشکوک افراد اور 10 ہوٹلز و موٹلز کو چیک کیا گیا۔

حکام نے بتایا کہ سرچ آپریشن کے دوران اشتہاری مجرم اور مختلف جرائم میں ملوث 2 ملزمان کو گرفتار کیا گیا ہے۔

ترجمان اسلام آباد پولیس کے مطابق سرچ آپریشن کے دوران 14مشتبہ افراد کو تھانے منتقل کیا گیا۔ جبکہ 5 منشیات فرش ملزمان کو گرفتار کر کے 3 کلوگرام سے زائد ہیروئن برآمد کی گئی۔

انہوں نے بتایا کہ سرچ آپریشن کا مقصد علاقے میں جرائم کا سدباب کرنا ہے۔