کچلاک دھماکے میں شہید پولیس اہلکاروں کی نماز جنازہ ادا

کچلاک دھماکے میں شہید ہونے والے پولیس اہلکاروں کی نماز جنازہ پولیس لائن میں ادا کردی گئی ہے جب کہ نماز جنازہ میں آئی جی بلوچستان پولیس سمیت دیگر اعلیٰ حکام نے شرکت کی۔

یاد رہے کہ کچلاک میں بوستان روڈ پر پولیس موبائل کے قریب ہونے والے دھماکے میں 2 پولیس اہلکار موقع پر ہی شہید ہوگئے تھے۔

پولیس ذرائع نے بتایا تھا کہ شہید اہلکاروں کے علاوہ اب تک کوئی زخمی سامنے نہیں آیا ہے جب کہ سیکیورٹی فورسز نے علاقے کو گھیرے میں لے کر واقعے کی تحقیقات شروع کردی ہیں۔