وفاقی وزارتوں و ڈویژنز میں تعینات سیکشن آفیسرز کے تقرر و تبادلے

وفاقی وزارتوں و ڈویژنز میں تعینات سیکشن آفیسرز کے تقرر و تبادلے کر دیئے، اسٹیبلشمنٹ ڈویژن نے تقرر و تبادلوں کے باضابطہ نوٹیفیکیشنز جاری کر دیئے۔

اسٹیبلشمنٹ ڈویژن کے جاری کردہ نوٹیفکیشنز کے مطابق سیکشن افسر ساجد خان کا داخلہ ڈویژن سے اسٹیبلشمنٹ ڈویژن، سیکشن افسر علی فیصل کا اسٹیبلشمنٹ ڈویژن سے خزانہ ڈویژن، ملٹری فنانس وِنگ، سیکشن افسر انعم جمال کا اسٹیبلشمنٹ ڈویژن سے خزانہ ڈویژن، ملٹری فنانس وِنگ تبادلہ کر دیا گیا۔

اسی طرح ڈپٹی ڈائریکٹر ریجنل انفارمیشن آفس، پی آئی ڈی پشاور ردا فاطمہ کا تبادلہ ہو گیا، ردا فاطمہ ڈیپوٹیشن پر ایک سال کیلئے سیکشن افسر قومی ورثہ ڈویژن تعینات ہو گئیں، اسٹیبلشمنٹ ڈویژن میں تقرر کے منتظر محمد افضل سیکشن افسر اسٹیبلشمنٹ ڈویژن تعینات ہو گئے۔