عالمی مجلس تحفظ ختم نبوت کے مبلغ عادل شہزاد کی دعائے قل

عالمی مجلس تحفظ ختم نبوت کے نوجوان مبلغ مولانا عادل شہزاد ستی کی دعائے قل کنج کمیونٹی ہال میں ادا کی گئی جس میں سابق اسپیکر خیبر پختونخوا اسمبلی مشتاق احمد غنی ،پیر طریقت قاضی ارشد الحسینی ،مسئول وفاق المدارس ایبٹ آباد مفتی حبیب الرحمن ،آل ٹریڈرز فیڈریشن کے سابق صدر سردار شاہنواز ،سابق جنرل سیکرٹری سجاد خان ،مائر تعلیم عبدالواحد واحد سراج میر ،علمائے کرام ،خطباء ،ائمہ کرام ،انجمن اتحاد شہریاں کے صدر ملک سجاد،ایبٹ آباد پریس کلب اور یونین آف جرنلسٹس کابینہ کے عہدیداران اور جنرل باڈی کے اراکین کے علاوہ مختلف مکاتب فکر کے افراد شریک ہوئے ۔

شرکاء نے مرحوم کے درجات کی بلندی کے لئے فاتحہ خوانی کی ۔مرحوم سابق صدر انجمن تاجران کنج روڈ حاجی فضل داد ستی کے بھتیجے ،انورداد ستی کے فرزند اور ایبٹ آباد پریس کلب کے اسسٹنٹ سیکرٹری دلدار احمد ستی کے بھائی تھے ۔مولانا عادل شہزاد ستی مرحوم کی دعائے قل کے بعد پریس کلب ایبٹ آباد میں تعزیتی ریفرنس کا انعقاد کیا گیا جس میں بڑی تعداد میں لوگوں نے شرکت کی ۔