حکومت اور یوٹیلیٹی اسٹورز یونین میں کچھ معاملات پر ڈیڈلاک برقرار

یوٹیلیٹی اسٹورز یونین کے وفد کی سیکریٹری صنعت و پیداوار سیف انجم سے ملاقات ہوئی، اسلام آباد میں ہونے والی اس ملاقات میں کچھ معاملات پر ڈیڈلاک برقرار رہا۔

ذرائع کے مطابق سیف انجم سے ملاقات پیش کیے گئے یویٹلیٹی اسٹورز یونین کے مطالبات آج وزیراعظم شہباز شریف کے سامنے رکھے جائیں گے۔

ذرائع کے مطابق یوٹیلیٹی اسٹورز یونین اور سیکریٹری کے درمیان مذاکرات کا دوسرا راؤنڈ ہوگا۔

صدر نیشنل ورکرز یٹیلیٹی اسٹورز انور زیب نے کہا کہ سبسڈی نہیں بھی ملتی پھر بھی ہم ادارہ احسن طریقے سے چلاسکتے ہیں۔ یوٹیلیٹی اسٹورز وفاقی بجٹ پر بوجھ نہیں ہے، حکومت اس کی بندش کا فیصلہ فوری واپس لے۔

انور زیب نے یہ بھی کہا کہ یوٹیلیٹی اسٹورز کارپوریشن حکومت سے کوئی فنڈز نہیں لیتی تمام اخراجات خود برداشت کرتے ہیں۔

اُن کا کہنا تھا کہ حکومت کو سالانہ اربوں روپے کے ٹیکسز جمع کرتے ہیں، یوٹیلیٹی اسٹورز کارپوریشن پچھلے 53 سال سے عوام کی خدمت میں مصروف عمل ہے۔