پنجاب پولیس نے دہشت گردوں کے چار حملے ناکام بنادیئے

پنجاب پولیس کے ترجمان کے مطابق ڈیرہ غازی خان تونسہ شریف میں دہشت گردوں نے حملے کی کوشش کی جس اہلکاروں نے بروقت جوابی کارروائی کر کے ناکام بنادیا۔دہشت گردوں نے حملے میں ہینڈ گرنیڈ اور دیگر جدید ہتھیار استعمال کیے تاہم اہلکاروں نے حملے روک کر اُن کے عزائم کو بھی خاک میں ملا دیا۔پولیس سے مقابلے میں دو خوارجی دہشت گرد ہلاک ہوئے جبکہ فائرنگ کے شدید تبادلہ میں ایس ایچ او تھانہ وہوا صادق برمانی، پولیس اہلکار مضمر نذیر فائر لگنے سے زخمی ہوئے۔

خطرات کے پیش نظر پنجاب خیبرپختونخوا بارڈر پر موجود چیک پوسٹس ہائی الرٹ تھیں، دہشت گرد پنجاب کے اندر کسی تھانہ یا دیگر حساس مقام پر کارروائی کرنا چاہتے تھے۔پولیس کے مطابق انٹیلیی جنس اداروں کی جانب سے پنجاب میں دہشتگردوں کے داخلہ کی اطلاع موصول ہوئی تھی، ایس ایچ او نے ٹیم کے ہمراہ ان  دہشتگردوں کا تعاقب کیا، پولیس کو سامنے دیکھ کر موٹر سائیکل سوار دہشتگرد ہینڈ گرنیڈ اور دیگر بھاری اسلحہ سے پولیس پر حملہ آور ہوئے، بلٹ پروف گاڑی، ہیلمٹ اور جیکٹس سے لیس پولیس کے جوانوں نے فوری جوابی کارروائی کی جبکہ دیگر نفری اور ایلیٹ فورس کی بیک اپ ٹیمیں بھی فوری موقع پر پہنچیں۔

ترجمان پولیس کے مطابق ’شدید مقابلہ کے بعد دونوں  دہشتگردوں کو جہنم واصل کیا گیا، ہینڈ گرنیڈ اور فائرنگ سے بلٹ پروف گاڑی کو بھی نقصان پہنچا‘۔ واقعے کی اطلاع ملتے ہی آر پی او ڈیرہ غازی خان کیپٹن (ر) سجاد حسن خان اور ڈی پی او سید علی فوری موقع پر پہنچے اور زخمی اہلکاروں کی اسپتال جاکر عیادت بھی کی۔

Punjab Police thwarted four terrorist attacks،پنجاب پولیس نے دہشت گردوں کے چار حملے ناکام بنادیئے